तंदुरुस्त शरीर | शरीर तंदुरुस्त राहण्यासाठी काय कराल | सकाळी करा हे योगासन | सूक्ष्म व्यायाम वृक्षासन मार्जरी आसन वज्रासन सूर्य नमस्कार | शयनकक्षाकडे लक्ष द्या | शौचालय आणि स्वयंपाकघर जवळ नको | झोपताना डोकं उत्तर आणि पाय दक्षिणेकडे नको | जेवताना टीव्हीचा प्रयोग करणे टाळावे | आरोग्य उत्तम राखण्यासाठी सकस व चौरस आहार घ्यावा

तंदुरुस्त शरीर

 

शरीर तंदुरुस्त राहण्यासाठी काय कराल?

शरीरावरच नियंत्रण राहिलं नाही, तर रोजची कामं कशी कराल? डिस्टोनिया हा एक असा आजार आहे, ज्यामध्ये मेंदू विकाराने त्रस्त होतो व मसल्सही कमजोर होतात.

१) रोज सकाळी गवतावर अनवाणी पायाने चाला. त्यामुळे शरीराचे तापमान कमी होते; तसेच रक्तदाबही कमी होतो.

२) रोज एक सफरचंद आणि दोन केळी खा. किमान रोज सकाळी उठल्यावर एक फळ खावे. चांगले आरोग्य लाभेल.

३) उच्च प्रोटीन असलेले पदार्थ न्याहरीमध्ये असले पाहिजेत. न्याहारीतून कमीतकमी ३० ते ४० ग्रॅम प्रोटीन मिळाली पाहिजेत. अंडी खायला आवडत असतील तर ती जरूर खा. अंड्यातून शरीराला नैसर्गिक प्रोटीन मिळतात. ४) कधीही बाजारात मिळणारी प्रोटीन सप्लिमेंट खाऊ नका. अशा सप्लिमेंटमुळे मूतखड्यासह अनेक विकार होण्याची शक्यता असते.

५) इलेक्ट्रॉनिक गॅजेटस्चा वापर कमी करा. अगदी लॅपटॉप आणि स्मार्टफोनचाही. शक्य असेल तर अजिबात वापर करू नका. त्यांच्या अतिवापरामुळे त्वचेची अॅलर्जी, डोळ्यांभोवती काळी वर्तुळे असा त्रास होतो.

६) डाव्या कुशीवर झोपा. त्यामुळे रात्री झोपेत छातीत जळजळ होत नाही.

७) कमोडपेक्षा भारतीय पद्धतीच्या शौचालयांचा वापर करा. भारतीय पद्धतीच्या शौचालयात बसण्यामुळे शौचासाठी आतड्यांवर योग्य तो दाब तयार होतो. आरोग्याच्या दृष्टीने भारतीय पद्धतीची शौचालये अधिक सुलभ आणि आरोग्यासाठी उपकारक ठरतात.

८) वजन कमी करण्यासाठी हायइंटरव्हल इंटेन्सिव्ह ट्रेनिंगचा (एचआयआयटी) सराव करा आणि व्यायामानंतर एक ग्लास लिंबूपाणी प्या.

९) रोज चार लिटर पाणी प्या. पाणी ठेवण्यासाठी तांब्याची बाटली सोबत ठेवा.

१०) दर सहा महिन्यांनी रक्तदान करा. त्यामुळे नवे ताजे रक्त शरीरात तयार होते.

११) नेहमी सोबत हँड सॅनिटायझर ठेवा. संसर्ग होऊ नये म्हणून कुठलाही पदार्थ खाण्याआधी सॅनिटायझरने हात स्वच्छ करा.

१२) साखर खाणे थांबवा. त्याऐवजी नैसर्गिक मधाचा वापर करा.

१३) उच्च गुणवत्तेची गादी आणि उशी यांचा झोपण्यासाठी वापर करा. गाढ आणि शांत झोप लागणे आवश्यक असते. तुमच्या एकूण झोपेचा परिणाम तुमच्या एकंदरीत आरोग्यावर हातो. त्यामुळे पुरेशी व गाढ झोप आवश्यक असते.

१४) शक्यतो वातानुकूलन यंत्रांचा वापर टाळा. दीर्घकाळचा विचार करता वातानुकूलन यंत्रे ही आरोग्यासाठी नुकसानकारक ठरतात.

१५) लिफ्टऐवजी जिन्याचा वापर करा.

१६) कोमट पाण्यात पाव चमचा हळद टाकून रोज पिल्यास त्वचा चमकदार बनते.

१७) स्वतःसाठी रोजचा आहार काय असावा, हे आहारतज्ज्ञाच्या सल्ल्याने ठरवा.

१८) आठवड्याचा मेनू ठरवा आणि त्यामध्ये विविध पौष्टिक पदार्थांचा समावेश असूद्या.

१९) आरोग्य आणि फिटनेसची माहिती देणारी मासिके वाचा.

२०) डार्क चॉकलेट खा. त्यामुळे हृदयविकाराच्या झटक्याची शक्यता कमी होते.

२१) वनस्पती तेलापेक्षा अधिक आरोग्यदायी असलेले सूर्यफुलाचे तेल वापरा.

२२) रसायनयुक्त साबणांऐवजी अंघोळीसाठी आयुर्वेदिक साबणांचा वापर करा. रसायनयुक्त शाम्पूऐवजी, नैसर्गिक घटक वापरून बनवलेले शाम्पू वापरण्यास प्राधान्य द्या.

शरीर तंदुरुस्त ठेवण्यासाठी सकाळी करा हे योगासन

सकाळची वेळ आपल्या आरोग्यासाठी उत्तम असते. यावेळी तुम्हाला ताजी हवा मिळते, ज्यामुळे मन शांत राहते आणि निरोगी ऑक्सिजनसह शरीर निरोगी राहते. सकाळी मनात सकारात्मक विचार येतात.

 तुम्ही ज्या पद्धतीने दिवसाची सुरुवात करता त्याचा तुमच्या मूडवर आणि दिवसभराच्या कामावर परिणाम होतो. जर तुम्ही सुरुवात चांगली केली तर तुमचे मन आणि मूड दिवसभर चांगले राहते. उत्तम आरोग्यासाठी सकाळची सूर्यकिरणे अत्यंत आवश्यक असतात. ही एक शक्तिशाली शक्ती आहे जी जीवनाभोवती आहे.

यावेळी वर्कआउट किंवा व्यायाम केल्याने शरीराला सर्वाधिक फायदा होतो, असे तज्ज्ञांचे मत आहे. त्याच वेळी, सकाळी योगासने करणे देखील अधिक फायदेशीर आहे. सकाळी 30 मिनिटे योगासन केल्याने शरीर निरोगी आणि मन सक्रिय होण्यास मदत होते.

रोजच्या जीवनशैलीसाठी योग हा एक परिपूर्ण दृष्टीकोन आहे. यासाठी वयाची मर्यादा नाही. तुम्ही कधीही कुठेही योग करू शकता. आता प्रश्न असा पडतो की सकाळी योगासने केली तर कोणते आणि कसे योगासन करणे चांगले. योगगुरू आणि जीवनशैली प्रशिक्षक अक्षर आम्हाला सांगतात की मन शांत आणि शरीर निरोगी ठेवण्यासाठी सकाळी कोणता योग करावा.

सूक्ष्म व्यायाम - वॉर्म अप

कोणताही व्यायाम किंवा योगा करण्यापूर्वी शरीराला उबदार करणे नेहमीच महत्त्वाचे असते. त्यामुळे सूक्ष्म योगाने सुरुवात करा. तुमच्या पायाच्या बोटांनी सुरुवात करा. हलक्या हालचालींसह शरीराच्या प्रत्येक भागाला हळूहळू हलवा. यामुळे स्नायू ताणले जातील आणि सांधे उबदार होतील आणि योग आसनांच्या सरावासाठी शरीर तयार होईल.

समस्थिति

1. या आसनाचा सराव करण्यासाठी, पाय एकत्र ठेवून सरळ उभे रहा. पाठ सरळ ठेवा.

2. कंबरेच्या दोन्ही बाजूला हात ठेवा.

3. तळवे आतून तोंड करून ठेवा आणि चेहरा पुढच्या दिशेला असावा.

4. काही वेळ या आसनात राहा आणि दीर्घ श्वास घेत राहा.

वृक्षासन

1. सरळ उभे राहा आणि तुमचे पाय तुमच्या जवळ ठेवा. आता तुमचा सरळ पाय जमिनीवरून उचला आणि डाव्या पायाच्या मांडीवर ठेवा.

2. आता आपले तळवे प्रणामाच्या मुद्रेत ठेवा. या दरम्यान, कंबर सरळ ठेवा आणि संतुलन राखा.

3. त्याचप्रमाणे दुसऱ्या पायाने पुन्हा करा.

मार्जरी आसन

1. सरळ उभे रहा.

2. आता आपले गुडघे वाकवून जमिनीवर ठेवा आणि हाताचे तळवे जमिनीला टेकवा

3. आता श्वास घेताना, तुमची पाठ वर करा आणि खाली पहा.

4. श्वास सोडताना, तुमची पाठ आतील बाजूस करा आणि वर पहा.

5. ही क्रिया 5 वेळा पुन्हा करा.

वज्रासन

1. जमिनीवर चटई टाकून सुखासनाच्या आसनात बसा.

2. आता गुडघे आतील बाजूस वाकवा आणि नितंबांना पायावर ठेवा.

3. आता तळवे गुडघ्यावर ठेवा.

4. दीर्घ श्वास घ्या आणि सोडत रहा.

सूर्य नमस्कार

दैनंदिन आरोग्य आणि फिटनेससाठी सर्वोत्तम कृती म्हणजे दररोज सकाळी सूर्यनमस्कार करणे. सकाळी उठून त्याचा सराव केल्याने शरीर आणि मन मोकळे होते. सुरुवातीला तुम्ही दररोज ५ राउंड करू शकता. सूर्यनमस्कार चा अर्थ आहे सूर्याला अर्पण होणे किंवा नमस्कार करणे. सूर्यनमस्कार हे फक्त एक आसन नसून अनेक आसनाचा एकत्रित मेल आहे.

निरोगी आणि तंदुरुस्त राहण्यासाठी ‘या’ गोष्टी रात्रभर पाण्यात भिजवून ठेवा आणि सकाळी खा

निरोगी आणि हेल्दी राहण्यासाठी आपल्याला अनेक उपाय करावे लागतात. जिममध्ये तासनतास व्यायाम करणे आणि भरपूर पाणी पिणे इ. पण हे समजून घेणे आवश्यक आहे की निरोगी आणि तंदुरुस्त राहण्यासाठी योग्य आहार आवश्यक आहे. निरोगी राहण्यासाठी तुम्ही रात्री काही गोष्टी पाण्यात भिजवून सकाळी खा. निरोगी आणि हेल्दी राहण्यासाठी आपल्याला अनेक उपाय करावे लागतात. जिममध्ये तासनतास व्यायाम करणे आणि भरपूर पाणी पिणे इ. पण हे समजून घेणे आवश्यक आहे की निरोगी आणि तंदुरुस्त राहण्यासाठी योग्य आहार आवश्यक आहे. निरोगी राहण्यासाठी तुम्ही रात्री काही गोष्टी पाण्यात भिजवून सकाळी खा. पोटाच्या समस्या, प्रतिकारशक्ती, वजन कमी होणे आणि संधिवात यांसारख्या आरोग्य समस्यांना तोंड देण्यासाठी हे खास 4 पदार्थ आहारामध्ये घ्या.

मेथी

मेथी रात्री पाण्यात भिजवून सकाळी खावी. असे केल्याने तुम्हाला सांधेदुखीपासून आराम मिळेल. जी आजकाल महिलांमध्ये एक सामान्य समस्या आहे. मेथीदाणे पोटासाठीही फायदेशीर आहेत. त्यामुळे बद्धकोष्ठता दूर होण्यास मदत होते. हे आतडे स्वच्छ करते आणि पचन सुधारते. मधुमेहींसाठी मेथी खूप चांगली आहे. हे मासिक पाळीच्या वेदना कमी करण्यास देखील मदत करते.

मनुके

मनुक्यामध्ये भरपूर प्रमाणात लोह आणि अँटिऑक्सिडेंट असतात. जे तुमच्या आरोग्यासाठी खूप चांगले आहे. तुम्ही रात्री मनुके भिजवून सकाळी खाल्ल्यास तुमची त्वचा निरोगी आणि चमकदार बनते. अनेक महिलांना लोहाच्या कमतरतेचा सामना करावा लागतो. लोहाची कमतरता पूर्ण करण्यासाठी आहारामध्ये मनुक्याचा समावेश करा.

बदाम

दररोज सकाळी भिजवलेले बदाम खाल्ल्याने मेंदूचे आरोग्य सुधारते. बदामामध्ये मॅग्नेशियम भरपूर असते. जे रक्तदाब आणि कोलेस्ट्रॉलच्या समस्या दूर करण्यासाठी मदत करते. भिजवलेले बदाम वजन कमी करण्यासाठी देखील खूप चांगले आहेत. सध्याच्या हिवाळ्याच्या हंगामामध्ये तर भिजवलेले बदाम खाणे खूप फायदेशीर आहे.

अंजीर

अंजीरमध्ये भरपूर जीवनसत्त्वे, मॅंगनीज, पोटॅशियम, फायबर आणि फॉस्फरस असतात. अंजीरमध्ये अँटिऑक्सिडंट्स देखील असते. फ्लेव्होनॉइड्स आणि पॉलीफेनॉल जे शरीराला मुक्त रॅडिकल्समुळे होणाऱ्या नुकसानापासून वाचवतात. 1 अंजीर रात्रभर पाण्यात भिजवून ठेवा आणि सकाळी खा. यामुळे आरोग्याच्या अनेक समस्या दूर होण्यास मदत मिळते.

निरोगी राहण्यासाठी 5 सोपे वास्तू टिप्स

1. शयनकक्षाकडे लक्ष द्या

शयनकक्ष घरातील अशी जागा असते जेथे व्यक्ती आराम करतो आणि आपला जास्त वेळ तेथे घालवण्याचा प्रयत्न करतो. बर्‍याच वेळा आम्हाला असे जाणवतं की आम्हाला शयनकक्षात गाढ झोप येत नाही किंवा सकाळी उठल्यानंतर देखील असं वाटत असतं की आपली झोप पूर्ण झालेली नाही आहे. तर याचा अर्थ स्पष्ट असतो की शयनकक्षात नकारात्मक ऊर्जा येत आहे आणि ती नकारात्मक ऊर्जा तुम्हाला आजारी करू शकते, म्हणून शयनकक्ष कधीपण पूर्णपणे बंद नाही करायला पाहिजे. सकाळी शुद्ध वार येण्यासाठी खोलीत योग्य खिडकी असायला पाहिजे. शयनकक्षात खरखटे भांडे जास्त वेळेपर्यंत नाही ठेवायला पाहिजे. तसेच जर शयन कक्षात नकारात्मक फोटो लावला असेल तर तो लगेचच काढून टाकावा.  

2. झोपताना डोकं उत्तर आणि पाय दक्षिणेकडे नको

रात्री झोपताना जर गाढ झोप येत नसेल तर तुम्ही स्वत:ला आजारी बनवत आहे. वस्तूनुसार गाढ झोप व्यक्तीला बर्‍याच आजारांपासून दूर ठेवते. रात्री झोपताना लक्ष ठेवा की तुमचं डोकं उत्तर आणि पाय दक्षिणेकडे नसावे. या दिशेत झोपल्याने डोकदुखी आणि अनिंद्रेचे आजार, व्यक्तीला त्रस्त करू लागतात.   

3. जेवताना टीव्हीचा प्रयोग करणे टाळावे

जेवण करताना व्यक्तीला टीव्ही बघणे टाळायला पाहिजे. कारण व्यक्तीचे जेवणात लक्ष लागत नाही तो पूर्णपणे टीव्हीत रमलेला असतो. वास्तूनुसार टीव्हीमधून नकारात्मक ऊर्जा निघते जी आमच्या मस्तिष्क आणि मनावर प्रतिकूल प्रभाव सोडते.   

4. शौचालय आणि स्वयंपाकघर जवळ नको

व्यक्तीचे जास्त करून आजार स्वयंपाकघरातूनच येतात. घर विकत घेताना या गोष्टींकडे लक्ष द्यायला पाहिजे की घरात शौचालय आणि स्वयंपाकघर जवळ जवळ नको. वास्तूमध्ये असे होणे, आजारांना निमंत्रण देण्यासारखे आहे.   

5. घरात नक्की लावा तुळशीचा पौधा आणि सूर्याची पेंटिंग

वास्तूनुसार तुळशीचा पौधा स्वत:मध्ये एक अचूक औषध आहे. जर घरात तुळशीचा पौधा असेल तर हा लहानसा उपाय बर्‍याच मोसमी आजारांना दूर ठेवण्यात मदतगार ठरतो. तसेच सूर्याची पेंटिंग किंवा क्रिस्टल देखील नकारात्मक ऊर्जेला व्यक्तीपासून दूर करतो.

सारांश

आरोग्य उत्तम राखण्यासाठी सकस व चौरस आहार घ्यावा. दैनंदिन जेवणात स्निग्ध पदार्थ, खनिज इत्यादी घटक तत्त्वांनी युक्त सकस व संतुलीत नियमित पुरेसा आणि ताजा आहार व्यक्तीला मिळाल्यास आरोग्य लाभते. आहारावर आरोग्य विषयक स्थिती अवलंबून असते. व्यायामामुळे व्यक्तीला आपला आरोग्यविषयक दर्जा उंचावता येतो. नियमित व सुयोग्य व्यायाम असल्यास निरोगी, दीर्घकालीन, सुदृढ आरोग्य लाभते. रोगप्रतिकारक शक्ती वाढते. व्यायामाबारोबच विश्रांतीही तेवढीच महत्त्वाची आहे. आरोग्य आणि विश्रांती तेवढीच महत्त्वाची आहे. आरोग्य आणि विश्रांती या दोन्ही प्रक्रिया अंतरिक सहसंबंध आहे. व्यक्तीचे शरीर म्हणजे यंत्र नव्हे. विशिष्ट काळापर्यंत व्यक्ती एखादेच काम करू शकते. पुन्हा तिला थकवा येतो. तेव्हा विश्रांती गरजेची असते. योग्य प्रसंगी चांगल्या प्रकारची विश्रांती घेतल्यास विश्रांती नंतर व्यक्तीचे शरीर उत्साही बनते व कार्यक्षमता वाढण्यास मदत होते.

कृपया लक्षात असू द्या

वरील लेखातील सर्व माहिती इंटरनेटच्या माध्यमातुन विविध वेबसाईट वरून संकलित केलेली आहे. विषयाला अनुसरून हि माहिती आवश्यक ते फेरबदल करून आपणा समोर प्रस्तुत केलेली आहे. संकलनकर्ता याच्या सत्यतेची कोणतीही जवाबदारी घेत नाही तसेच यामध्ये मांडलेले मुद्दे आणि माहिती या बद्दल १००% खात्री देऊ शकत नाही. वाचकांनी वाचनाचा आनंद घ्यावा हि विनंती. येथे दिलेली माहिती धार्मिक श्रद्धा आणि लोकश्रद्धेवर आधारित आहे, याला कोणताही शास्त्रीय पुरावा नाही. सर्वसामान्यांची आवड लक्षात घेऊन ती येथे सादर केली आहे.